Lebap welayatynyn Taryhy we ülkäni öwreniş muzeyinin binasyna hoş geldiniz, siz welayatymyzyn çäklerinde yerleşyän taryhy we medeni yadygärliklerine, dürli döwürlere we tebigat dünyäsine, şekillendiriş sungatynyn eserlerine tomaşa edip, hem-de gyzykly syyahat edip bilersiniz. Muzeyimiz Türkmenabat şäherinde 3 gatly, umumy meydany 8100 m2 arhitektura binasynda yerleşyär. Ekspozisiyalar iki gatda yerleşip, bäş sany Garaşsyzlyk, Arheologiya, Etnografiya, Tebigat we Şekillendiriş sungaty zallaryndan ybarat. Birinji gatyn tegelek ginişliginde holl yerleşyär, onun gümmezi sekiz burçly görnüşde bolup, yüzünde owadan Lebap gölli haly nagyşy bilen bezelip, ony 8 sany sütün saklayar. Birinji Garaşsyzlyk zalyndan muzeye tanyşlyk başlanyar. Bu yerde Hormatly Prezidentimizin alyp baryan daşary we içeri syyasatylaryndan, welayatymyzyn çägindäki ähli uly desgalaryn açylyş dabarasyndaky pursatlaryn foto suratlary, olaryn maketleri we maglumatlary görkezilyär. Garaşsyzlyk yyllary içinde durmuşa geçirilyän üstünliklerimiz we Türkmenabat şäherindäki birnäçe zawod-fabriklerin öndüryän önümlerinden gurnalan sergilerin nusgalary witrinalarda yerleşdirilyär.