Ekskursiya birinji gatda Etnografiya zalynda dowam etdirilyär. Etnografiya zalynda türkmen halkynyn geçmiş taryhyny, onun yaşayyş durmuşyny edim-gylymyny, däp-dessuryny, şeyle-de yaşayşyn dürli pudaklaryny özünde jemleyän birnäçe ekspozisiyalar görkezilyär. Zaldaky maldarçylyk pudagyny görkezyän dioramada esasy maldarlaryn durmuşy we mal sürülerini gumda-çöldäki öri meydanlarynda bakyan pursatlaryny görmek bolyar. Bu dioramada çerimgärlik sungaty hem ginişleyin görkezilen. Geçmişde bizin ata-babalarymyz bar bolan suw gorlaryny tygşytly we rejeli peydalanyp, ekin yerlerini suwarmak üçin emeli suw desgalaryny ulanypdyrlar. Ekerançylyk pudagyna degişli dioramada yapdaky suwun derejesinden belent yerleri suwarmak üçin ginden peydalanylan uly görnüşli emeli suw desgasy Jykyr görkezilen. Orta asyrlarda Türkmenistanyn çäginde düypli ylmy merkezler bolup, onda dünyänin görnükli alymlary işläpdirler, we şular barada gürrün beryän ylym-bilim diorama etnografiya bölümin in görnükli yerinde yerleşen. Türkmen halky batyr hem söweşjen halk bolup, öz söweş yaraglarynyn bolmagy tebigydyr. Witrinada söweş hem-de goranyş yaraglary gylyçlar, gamalar, sapançalar we hyrly görkezilen. Ene-mamalarymyzyn könül maksatlaryny sindirip, zulmayy barmaklary bilen sünnäläp dokan Lebap gölli halylarynyn we haly önümlerinin şeyle hem dürli renkli yünlerden nagyş salnyp yasalan keçelerin birnäçesini ekspozisiyanyn dowamynda görmek bolyar. „Beyik Yüpek“ yolunyn çatrygynda yerleşen Gündogar bazarynyn görnüşinde orta asyrlarda demirçiligin, külalyçylygyn, senetçiligin dowam edip duran pursady we söwdagärlerin, täjirlerin gyzgalanly söwda we öz yanlary bilen getiren harytlaryny alyş-çalyş edip duran pursatlary görkezilyär. Zalyn in görnükli yerinde yerleşen dolulygyna uly göwrümli türkmenin Ak öyünin içi bolsa düyebaşlyk, çuwallar, torbalar, ikselikdir, horjunlar we çaga sallançagy, yorgan-düşek örülen sandyk bilen bezelen. Daşy bolsa öyün ykjamlygyny, berkligini görkezyän kakma görnüşli dokalan bil guşagy hem-de toy-dabarany anladyan gotazly yüpler bilen bezelen. Bu ekspozisiya welayatymyzda has-da yörgünli geyilen zenanlaryn milli mahmal, begres donlaryndan we çaga egin-eşiklerinin görnüşlerinden ybarat. Lebaply gelin-gyzlaryn dakynan damaksa monjugy seçekli we seçeksiz edilip dürli hünjülerden örülipdir. Damaksaly witrina ekspozisiyalaryn dowamlylygynda yerleşen. Ekspozisiya medeniyetde we sungatda uly yz galdyran Lebaply halypa bagşylardyr sazandalaryn suratlary we olar barada gürrün beryän maglumatlar bilen tamamlanyar.